YTD: 272.25%（截止16/12/2020）
1）10月尾賣出所有tsla，賣出後換晒nio，11月頭大升，最高位YTD升至400% 以上（當時除了nio，另外有3000股pltr long call係度），算叫賭對了nio，自己做呢個動作時，已知道風險較高，同時亦有使用少量槓桿，所以知道一定要做對沖動作，避免隨時大跌。
2）只買nio原因，除了睇好以外，更多的是自己急於求成，希望集中倉位，希望更快地進一步提高，考慮過其實加倉更安全方法，應該加call就算，最多輸掉了call，但身邊有人比自己更為進取，甚至乎認識有接近5萬至6萬股nio的人兄（係經營nio space的車主），同埋感受到國內nio及車主群組的信仰及熱情，大家都有好強大心臟同信心，雖然呢d亦可以講係自我催眠，鑽牛角尖，但客觀地看番，自己都持有左好一段時間，已習慣了nio的波幅感覺，所以想去博一下。
3）而加大左nio後，本身我唸法係希望長期持有的，而nio既volume又高，權金收入好多，以當時股價55蚊時，我一星期做一次short call，可以收成4萬幾5萬，基本上同我而家返工差不多收入，所以我更加希望長期持有，唔理佢帳面上落算了，covered call現金流已絕對足夠解決我生活上需要，唔駛為金錢煩惱，希望長期可以keep住做，做covered call可以變成收租咁，長期可以提供現金流，所以一直針對研究sc不交貨的處理方法及應對，但要補充下，當nio大跌，short call也不是可以長期收4至5萬，因為大跌，權金會不斷縮，所以一星期4至5萬只是咁岩機率達到的情況。
4）但基於全倉nio，需要解決的情況就係大跌時的倉位風險，又或者大升而升穿sc strike price最終導致失去position，我就嘗試了幾種操作方式：
先講大跌，由於本身有covered call，大跌時covered call基本已食盡，但我覺得是不夠的，covered call的現金流不能抵銷帳面數字的減少，covered call只是有限錢，我同時會開long put直接對沖，即反向草船借箭，sc+lp一齊去做，而我除了這個，自己更做了一個更aggressive的做法，會做一個星期係covered call ，另一個係 naked call ，會連續2週咁做，而咁樣做的話，最壞情況係突然升番時點處理，我唸過2個case，萬一第一週的covered call到價或升穿，可以選擇roll 走至更後的時間，而保留第二週的short call 係度，而這個 naked call 就會變成covered call，而roll後的sc則繼續保留（變成naked call)。另一種處理方法，如果第一週的 short call星期五結算到價，會係下個星期的星期一再即刻補回，咁原本第二週的naked call又會變番成covered call。而我現在有的nio持股量，我覺得已足夠，我不會純只為現金流，而開貼價 SC，如果容易升穿的話，處理既問題更難。
(補充：這個只是記錄自己做 naked call的處埋手法，新手勿跟，naked call好大機會輸得好大獲，而且呢個做法係剛剛 nio大跌自己的處理方法，是 past tense，not future tense，平常間不應做 naked call，後果會很大 。）
5）而nio大跌正好幫我進行了練習，nio自大升至11月中後，跟著便由高位57蚊跌至低位39蚊，帳面少左70萬，但上面的short covered+naked call+long put，便發揮了好大作用，幫我直接追回38萬，雖然未能完全對沖晒，但這次係無減少nio的持股量，同時增加了一筆現金，我覺得效果也是不錯的，帳面數雖然少了，但現金增加了也增加了購買力。
6）除了nio，另外講一講pltr，pltr都係長期睇好的，但因為我買晒nio後，根本無太多位置去買其他貨，所以呢段期間，我決定放棄持有原本pltr正股，而改為持有pltr既call就算，以減低注碼的金額，至於係call角度，持有pltr 方向是正確的，所以我會選擇較遠期的方式去買入，而開call的話，當然價外爆發力係強的，但因我不知道幾時先會爆上，所以我想個call都可以守到，所以我選擇了價內call，我的想法是希望以option hold住個position先。當時pltr，11蚊左右的時候，我最終選擇了2022年1月到期的10蚊call，當時個call價格係3蚊，而買後無耐，幸運地pltr升至33最高，個10蚊call最高升至25蚊，當時如果結算，個call升接近7倍幾，pltr帳面可以賺取接近40萬，但今次最終也只是一次經驗學習，pltr被沽空機構出報告，股價期後大跌，我唸慶幸的是選擇價內call，跌價跌得無咁應，同時自己一直心唸，2022年1月，有大把時間可以守得到，但其實現在唸番，call本身輸緊時間值，縮時也縮得很快，就算價內都唔捱幾多，唔知守唔守到，高位回調一定比例，就應該要走，例如24蚊call，高位回調10至15％必定要斬，因為再等下一個爆發期唔知幾時先發生。而因為買晒nio，再買pltr已動用少量槓桿，結果nio同pltr雙方回落，因為有槓桿而被挾爆了，被清算了pltr既call，最終pltr既call只能賺微利收場，感覺很可惜。
7) 另外，10月尾賣晒tsla後，11月中出左消息，tsla可以入S&P，結果甚麼也做唔到，由於本身有槓桿，所以只能一直係度解決nio既倉位問題，槓桿的使用產生了其他衍生更多的問題，倉位沒有持有tsla，結果miss out了tsla整段升幅。當然，只要減持nio，可以同時又揸nio同時tsla，但呢個就係機會成本的問題，要如何選擇及取捨。而回看今年，揸了tsla一段好長的時間，但真正係tsla身上獲得的利潤並不是很多，這也是自己需要檢討的地方。
