2021年7月3日 星期六

2021年IB半年結

我見好多blogger都分享了半年結,趁星期六,自己都寫番一下呢半年既倉位情況及想法。

2021年初,係沿著繼續持有nio及pltr為主,1至2月倉位YTD最高去到48%,當時自己係沉醉係歡喜當中。

去到3至5月,真係可以講驚險萬分,帳面跌到hihi,心態上好容易會開始崩潰。但當然明白,跌市也是升市的前導,關鍵問題係自己是否應該繼續咁坐同咁玩,我覺得即使自己買的股票會反彈,但如果輸俾大市,倒不如直接買指數跟大市回報。

買指數再加上做期權,回報就已經係大市回報的基礎上,再增加期權收入,相信唔會太差。係統計上,長期跑贏市場既人事實係好少。有1至2兩年贏市場既人有不少,但長期贏既人基本上係極少,因為要長期不斷贏,呢個係不容易的任務。

縱然係咁,但相信要挑戰市場既人,永遠不缺,因為每個人都會希望嘗試自己的方法,或希望係不斷失敗的過程中吸取經驗同教訓。

所以今年最大的得著,發現自己更加多的不是同認識自己好多,好多時賺大錢只係按著趨勢走,只是剛巧坐到順風車,而並非自己的能力問題,贏得到也要守得到先有用。

好多大神,或者一些出名的投資者,好多時都會重倉某一,兩隻股票,他們不會咁容易被市場波動而影響到。用的是資產本位角度去唸,理論上不應太care股價波動去錯失長期囉輯及趨勢,但作為散戶,是否應該也要同樣咁玩,散戶好多時輸錢,正正是倉位管理唔好(或者講注碼)。

我雖然希望自己可以長坐,但今次大跌發現自己其實不能,真心唔容易過,加上買美股,唔多唔少唔想咁夜休息,重倉去做令自己增加壓力,開始唸另一種方式去做。

所以5月大跌後,換晒option lc去hold,當中都係買番自己長期跟進既nio同pltr,另外仲有tsla及JD,而好彩呢幾隻都有彈番,個倉都推番上去d。而核心轉去港股玩,一點都唔易,港股既流動性更少,好多時有波幅無升幅,明明本來港股全部賺緊10幾%,第二日又去番原來狀況,因為唔想賺少少就走,如果唔係好容易就被震走,但結果好多時賺唔走,局住hit 中止蝕就要斬,所以5月尾反彈,好多美股賺既錢,被港股拖番晒落去。

而呢段時間,覺得自己倉位管理好差,應該因應係不同市況,倉位配置也不同。例如應該大注時就偏偏無大注,應該細注時就往往大注買,呢d都交左不少學費。或可以講,有d公司market cap較大,例如faang咁樣,哥d大注相信輸有限,係選股同下注的關係上,將確定與不確定性的公司,配合市況的強弱,放入不同的注碼。

而現時YTD係11.3%,今年頭半年板塊不停轉動,好多人都覺得好難玩,但我覺得真正股市先係咁,而之後的策略,其實自己都仍在思考中,暫時都係邊做邊唸,不過自己會加大風險控制,都唔想再咁冒險及進取,同埋會考慮適時提取利潤。

補充:黎緊nio會再推出2至3款新車,如et5,ef9

8 則留言:

  1. 板塊轉動太密,依家小弟都係大半持指數先,站穩陣腳後,再出擊個股,個股注碼縮小至5%,純稡過吓心癮。

    回覆刪除
    回覆
    1. 謝師兄意見,我都有唸過是否買番指數方向,自己唔駛將太多精力時間放係股市上,不過我暫時都未唸住,可能都唸住試多排先

      刪除
  2. 同你一樣, 都係美股賺完港股輸番晒, 而家希望7月港股反彈, 將比重轉多啲去美股算

    回覆刪除
    回覆
    1. 港股我都重有一些,港股長期跑輸好唔掂

      刪除
  3. 多謝分享
    十分同意最後一段,否則股市本質是很容易,大部分人都應該羸錢,情況是剛剛相反

    其中一個難處,面對不同市況,去管理好情緒,如果時常有壓力,好易做錯決定

    回覆刪除
  4. 重倉一兩隻,某程度上是增加自己的難度去做到長線
    升市自然是股神,下跌可以很可怕

    我有個失敗經驗,曾經持有Nvidia佔組合的20幾%,在2018尾,股價曾經跌六成,組合一時間損失10幾%,自己對於公司的認識仍然有信心,但是情緒上壓力真係頂唔順,結果蝕賣出大半,注碼小壓力細返,慢慢坐到正回報到現在

    回覆刪除
    回覆
    1. 謝師兄意見,上年係經常重倉去做,所以贏就贏多,輸都輸好大,而家唔敢咁博,就算重倉,都選d低VOL哥d,或者big cap,d中型股一跌上黎好嚇人

      刪除
  5. 重倉而經常出入,需要很大意志力和執行力

    回覆刪除