今年的投資感想很多，先講今年的ytd，係-28％，本身11月都係正數，12月做左一，兩個致命big mistake，一野殺左落去。
Big mistake都係哥d，例如佔比太大，或者同時做左期權sp+lc，今年再一次奶野，而主要輸都係nio上，例如心態上預期股價會上，就做多了期權，好易一野被KO，所以之後盡量會降低收益預期，唔會令自己過度自信，但也不是退縮的想法。
寫blog目的就記錄自己既想法及感受，希望引以借鑑。雖然今年係難玩，但唔應該係俾自己犯錯的藉口，犯錯其實大部份都係心理因素驅使，例如貪念或恐慌，導致韭菜最常犯的錯，最常見係追漲殺跌，或者亂斬掉自己的倉位。
散戶經常犯錯做韭菜原因，一般上都係做高買低賣這些動作，很多時候是貪念及恐慌從而造成。
而我覺得投資，本身要搞清楚投資本質及囉輯，例如係市場牛轉熊，大部份人都會容易輸掉自己的資本。
而我自己唸法係，其實牛轉熊，應該係要慢慢分段累積好資產。當牛市重臨，由於累積了不少好資產，有足夠多的好貨，組合才有可能重新變成大勝，每次止蝕也不是好事。所以有時寧願唔好亂買貨，自己無信心，就唔好隨便投機，隨時短炒變長渣，每日望住個市場，只會搞亂自己。
但是，要搞清楚真正市場上，值得真正投資的資產是不容易，市場殺跌，究竟係純粹地殺估值，還是殺囉輯，唔係一件咁容易的事，因為事實上世界變化太快 。
所以投資無絕對方法，有人堅持渣好公司，例如長線tesla股東，捱價照捱，有人做機會主義者，短線買賣，坐貨或者炒出入，無絕對那一種係正確方式，最重要還是忠於自己，揾一個適合自己的投資風格，又或者咩貨岩長線定短線，自己先行定義清楚。但長期短線投機，就如經常進入賭場博奕，長賭也是必輸。
而我自己認為，做長線累積先可以真正贏到大錢，本多終勝，就是說白了要堅持累積，至於累積甚麼，就要自行判斷。但做長線，唔好亂做槓桿，槓桿只是更加容易趕自己落車。
今年投資上最大的感受，不是自己能贏多少，而是自己能守到多少，所以asset allocation很重要，就算賺到7至8位數，只要犯下一些大錯，隨時足以致命。而投資本身一直存在不確定性，自己感受係，沒有絕對贏的公司，但有不死的市場，所以與其係咁，我自己寧願增加投資指數ETF，唔駛將精力經常集中係市場上，可以將更加多時間花係生活及家庭上。
而投資市場，如美股，本身就係弱肉強食的世界，要賺錢，基本上必定是要選擇龍頭，馬太效應下，強者只會越強，強弱只會越顯得分明。當然有時，細價股也可以跑贏龍頭好多，但自問自己無咁多時間，費神去了解所有公司。
而我今年投資方式，也嘗試過不同的策略，就算唔計自己的錯誤操作，今年其效果只是一般，都未必跑贏市場。所以唸左一輪，會係2022年開始，自己會更加偏向集中在指數上，如QQQ/SPY等。QQQ我自己覺得本身就係好標的，集中晒所有最好的科技企業，如apple，MSFT ，tesla，google等，呢堆都係擁有技術護城河的公司。
買指數ETF唸法，希望俾自己有一個核心倉位去慢慢累積。如果全倉分散，但分散去一些不穩定公司，感覺都一樣會好老危，倒不如集中指數etf，但自己做法，也不會100％指數etf，最多大概會係40至50％左右倉位去做，自己也會盡量尋找好的機會，如果大概要講，我大概係以etf做核心，再加期權及短炒，會嘗試一下這個方式，效果是否可以。
總結大概係咁，今年輸錢，我也不會太灰心，雖然今年YTD係負數，而投資係長期的事，希望2022年投資上會有更好的開始，盡量係謹慎與進取中取平衡，始終機會長期有，會將更加多時間係休息，生活及家庭上。
27/9：今晚買番較多nio，且看後市如何
30/09：買入A股002714牧原股份，睇圖＋大環境通脹的想法
05/10 及 08/10：買入及增持力世紀，看威馬有無動作，但應該不會是借殼
14/10 及 15/10：買入ASML leap (Jan 20'23 760 call) ，先補裂口，長遠看好
18/10：賣掉A股002714牧原股份，微利，換馬至其他選擇，美股買入SOFI
19/10：賣出SOFI，換成SOFI leap call
20/10：買入2013微盟，ASML leap call trigger stop loss
21/10：投機買入DWAC
22/10：盤前賣出DWAC，部分盈利買入PHUN，當天晚上賣出PHUN
25/10：買入AGC
27/10：賣出AGC，微利
28/10：追入LCID call option
29/10；賣出一些nio，食番部分盈利，食埋Lcid option，買PLTR炒earning
1/11：買入Sofi，作中長線
4/11：高追838，注碼控制風險
8/11：賣出838，止蝕
9/11：賣出PLTR，由大嬴變小羸，買入IVAN
11/11：買入fcel，等跟tim兄吃肉
16/11：買入FB及RBLX，炒metaverse
17/11：買入invz，賣出fcel
18/11：買入A股 002460 贛鋒鋰業和 603799 華友鈷業
19/11：賣出002460 贛鋒鋰業，換入002475立訊精密，買入636，減持少量rblx，斬了FB及sofi，買入aur
23/11：美股只保留nio，其餘全減清，清掉002475立訊精密及636，增加現金比例，避免太多注碼放係港股上.
24/11：買入600519茅台及撈一注9988，博反彈only，睇下係咪雙底
26/11：沽番9988，平手走，cut埋茅台，增加現金水平
今次要記記7月的大敗經歷，經過3月至5月的大跌，6月慶幸幫自己贏番不少，進入7月，開始連環打擊，中資科技股的瘋狂大跌，大市直接被拖冧了，而唯一慶幸自己好彩一早斬晒科技股，如果唔係會更加慘烈，但有好多爛操作，導致自己輸了不少。
記錄一下自己的爛操作：
1) 錨定效應：自己以往曾經一隻股票上贏過不少錢，用以往的唸法套用現時的情況上，好多時候見到股價大跌，就以為好抵買，重復不斷買番哥隻股票，導致輸得更多，例如我以往買2013微盟賺過一些，就希望繼續再持有，當然以長線來講，不排除2013未來會重上升軌，但現時我都係睇倉位數去唸，所以今個月被2013和一些其他科技，坑了不少錢。
2) 操作頻繁：今個月市況波動，但睇番自己操作比之往月份操作得更多。
3) 注碼太大：6月份主要靠期權leap option，幫我追番多70萬，但自己慢慢變得進取左，開左好多隻同好多張Long call option，需知道option其實無得守。
4) 撈底 / 逆勢：我今個月嘗試左好多次撈底，注碼有大有細，但真心發現自己唔係好適合做呢類操作，逆勢錢好難賺，係科技股被坑殺後，唸住買了茅台 (600519) 應該無事，同埋估價都係高位回了30%，買了不少茅台，唸住咁大隻抗跌能力較高，A股一樣被殺落黎。
同埋今個月睇了不少文章，覺得賺錢其實可以好簡單，並非一定要係研究，及不斷發掘10倍股，說白了其實只係將贏的錢盡量保持，而損失則要好好控制。因為真正輸錢的原因，好多時都係自己問題。希望可以提醒自己唔好犯太多過錯，將虧損收窄。而真正賺錢只係贏錢同輸錢的差額而來。上年好多人，一直買科技股，最後將最重注的錢加左頂位，以致今個月大跌，隨時將所有利潤倒貼出去，所以我而家覺得，倉位管理更加重要過選對股。
而自己現時倉位已無晒互聯網科技股了，今個月亦開始嘗試進行A股投資，A股標的選擇了5G和基建版塊上，同埋7月好彩都買到一些其他爆升股，例如732是炒T兄功課，836係覺得以華潤電力現時一半業務係新能源業務下，但股價仍未爆升，應該會慢慢帶上，所以當時11蚊左右買了。亦細注嘗試買了一些細價股，細價股主要是看圖和睇下有無一些投資機會，例如1728和2346主要是看收購，慶幸d 細價股現時都係賺緊的，現時持股如下：
港股：華潤電力 (836)，中國電信 (728)，信利國際 (732)，星宇控股 (2346)，理士國際 (842)，正通汽車 (1728)
A股：中興通訊 (000063)，中國電建 (601669)
補充多番隻美股：VXRT
YTD：-8%
我見好多blogger都分享了半年結，趁星期六，自己都寫番一下呢半年既倉位情況及想法。
2021年初，係沿著繼續持有nio及pltr為主，1至2月倉位YTD最高去到48％，當時自己係沉醉係歡喜當中。
去到3至5月，真係可以講驚險萬分，帳面跌到hihi，心態上好容易會開始崩潰。但當然明白，跌市也是升市的前導，關鍵問題係自己是否應該繼續咁坐同咁玩，我覺得即使自己買的股票會反彈，但如果輸俾大市，倒不如直接買指數跟大市回報。
買指數再加上做期權，回報就已經係大市回報的基礎上，再增加期權收入，相信唔會太差。係統計上，長期跑贏市場既人事實係好少。有1至2兩年贏市場既人有不少，但長期贏既人基本上係極少，因為要長期不斷贏，呢個係不容易的任務。
縱然係咁，但相信要挑戰市場既人，永遠不缺，因為每個人都會希望嘗試自己的方法，或希望係不斷失敗的過程中吸取經驗同教訓。
所以今年最大的得著，發現自己更加多的不是同認識自己好多，好多時賺大錢只係按著趨勢走，只是剛巧坐到順風車，而並非自己的能力問題，贏得到也要守得到先有用。
好多大神，或者一些出名的投資者，好多時都會重倉某一，兩隻股票，他們不會咁容易被市場波動而影響到。用的是資產本位角度去唸，理論上不應太care股價波動去錯失長期囉輯及趨勢，但作為散戶，是否應該也要同樣咁玩，散戶好多時輸錢，正正是倉位管理唔好（或者講注碼）。
我雖然希望自己可以長坐，但今次大跌發現自己其實不能，真心唔容易過，加上買美股，唔多唔少唔想咁夜休息，重倉去做令自己增加壓力，開始唸另一種方式去做。
所以5月大跌後，換晒option lc去hold，當中都係買番自己長期跟進既nio同pltr，另外仲有tsla及JD，而好彩呢幾隻都有彈番，個倉都推番上去d。而核心轉去港股玩，一點都唔易，港股既流動性更少，好多時有波幅無升幅，明明本來港股全部賺緊10幾％，第二日又去番原來狀況，因為唔想賺少少就走，如果唔係好容易就被震走，但結果好多時賺唔走，局住hit 中止蝕就要斬，所以5月尾反彈，好多美股賺既錢，被港股拖番晒落去。
而呢段時間，覺得自己倉位管理好差，應該因應係不同市況，倉位配置也不同。例如應該大注時就偏偏無大注，應該細注時就往往大注買，呢d都交左不少學費。或可以講，有d公司market cap較大，例如faang咁樣，哥d大注相信輸有限，係選股同下注的關係上，將確定與不確定性的公司，配合市況的強弱，放入不同的注碼。
而現時YTD係11.3%，今年頭半年板塊不停轉動，好多人都覺得好難玩，但我覺得真正股市先係咁，而之後的策略，其實自己都仍在思考中，暫時都係邊做邊唸，不過自己會加大風險控制，都唔想再咁冒險及進取，同埋會考慮適時提取利潤。
補充：黎緊nio會再推出2至3款新車，如et5，ef9
記錄一下最近情況，呢幾個月可能投資情況未如理想，同時身體都唔好，所以有一種無力感。
以前經常有運動，就算感冒病左都會好快好番，但今次感冒搞左成2個幾星期，身體真心差左好多，代謝差左，亦肥左好多。可能2020年，自己放得太多時間係美股上，雖然碰巧係上年收獲了不少，但放棄左好多休息時間，休息少左，搞到身體差左好多。
所以倉位大跌，打算斬掉重練，自己打算將持倉轉番去港股，而美股就以期權為主，減少核心倉位，放晒係美股上，以免經常半夜被偷襲，唔駛太貼市，倉位波動造成太大壓力。
而剛巧賣晒美股持倉是在5月11日，睇番納指5月哥日都係接近最低位，做了韭菜，sell at the bottom，so sad。
換倉情況：
由於我都係換倉，所以我係5月12日買番晒港股後，而美股及港股係5月後半月都反彈番不少，倉位都上番少少，YTD由低位-18%而家去番-3%。換倉做法，我大概做法，自己會keep番D主力倉位係龍頭股，另外搭下2至3隻2, 3線股，起碼大市反彈，龍頭股會帶動倉位上番去。而大跌時，則是減掉2, 3線股換回龍頭股，做番好d倉位管理，希望之後倉位做得較順手。
而核心持倉轉番港股，美股則會以leap option去做，減低美股注碼，跌市時，注碼減輕減低了風險，升市時，則仍可以透過leap option放大利潤。
港股持倉，我也是以科技股為主，方向沒有轉變 ，核心是持有騰訊，以鎖定倉位下限，避免波幅太大，微盟則是一直長期有跟進，繼續keep住係倉位內，而美股也沒有轉變，leap option也是nio，pltr及其他等。所以實際上，持有的股票是沒有太大變化，只是注碼作出變化。
另外而家休息多番d，可以早上做番運動，希望可以keep番起個體能，身體變番好，健康才是最重要，有健康，輸幾多都可以再揾過。
近排因為感冒未清，全家都病倒，狀態不是太好。所以遲左update近來投資情況。
呢幾個月，3至5月市況都是捱打狀態，4月好番少少，去到YTD 5%，但現時，股票倉位YTD係 -15%。不過唯一慶幸就係2月尾，將一部分股票倉轉左去參與幣市。所以整體來說，也不算是太差表現。
現在的情況，我自己認為屬於混沌期，呢段時間，科技股及高成長股，均被殺得一頸血。市場在進入更頻密的板塊輪動，這個板塊輪動我認為是由於經濟周期的關係而引致。
呢段時間，市場明顯的看到，資源板塊，金融板塊以及部分消費板塊（例如高端消費品），較不易受影響。
自己想法：
自上年2020年3月，疫情影響全球經濟活動，隨之而來各國政府透過大量印錢，拉動經濟回復，而呢斷時間印既錢，已經係歷史印紗的總和，不斷印銀紙，通脹不斷增加。
而係經濟復蘇期間，大家手上貨幣增加，大家都變得富有。另外，例如2020年加快推動了科技發展，例如EV，陸續不斷有更加多的公司加入造車，越多工業制造，各公司形成資源爭奪，係經濟繁榮期，公司競爭加快或造成資源能源短缺，大家會爭奪上遊資源，資源價格越來越高。以銅價黎講，不斷升高。當然銅價升，不會單是以資源角度而已，通脹與大宗商品也是有一定的關聯性。
而市場籍口下，擔憂通脹加劇，雖然耶倫又講，對美國將進入通脹週期持懷疑態度，復蘇是漫長過程。但我覺得市場已經自行調節，金融板塊已經慢慢起來。
而家這段時間，對投資來講，是最難評估未來的趨勢變化。科技公司一直是以高增長速度行緊。以證劵教父提出的遛狗理論，而家隻衰狗已經跑緊去主人身邊，但人遲始會行，所以隻狗遲早又會跑番出去，而家係唯有等隻狗回下氣先。現時市場殺估值，所以我覺得科技公司的股價，最終也是會recovery back。
另外，通脹情況慢慢殺至的時間內，我相信金融板塊也會進入恢復期。
而安全的部分，我自己認為是消費市場，所以自己倉位，有加大消費市場的比例想法。而現在，混沌期間，持倉偏重某一板塊，也有機會隨時左一吧右一吧，所以自己寧願選擇保持較為平衡的板塊，同時倉位管理去番中度倉位，對自己來說，壓力會無咁大，
今次 3月大跌，唯有俾自己再重新再執一下倉位，但今次就無集中晒美股，買番一些港股，同時將一些睇好的公司，會轉左用option去持有，以減低注碼，但有一部分仍是集中持有的。
而自己的選股方向，其實都無咩變，也是偏向科技股為主，因為科技股才是未來增長賽道，現時持股如下：
港股：快手1024，京東健康6618，微盟2013
美股：TSLA (50%)，CHPT，IPOE，DADA，U
用Option 持有: NIO (行駛價40 蚊)和 PLTR (行駛價 25蚊)
YTD：-5% (截止31/03/2021)
選股：
關於選股方面，TSLA現在是最大倉位，而選TSLA的考慮點，我反而不是唸 TSLA 的增長能力（增長能力當然不可置疑，我不用再此篇重覆），而係倉位角度，我反而係以防守性角度去唸，TSLA係標普及納指指數，已經佔有一個比較大的比例，我覺得買 TSLA 反而會成為救命稻草，標普及納指要繼續破頂的話，應該不可缺少TSLA的動力。
想法：
關於3月倉位的情況，可以用慘黎形容，今次既帳面損失已超過7位數，2月尾本身已經打回原形，YTD最高由+48%去番接近0％，3月更是難捱，進入YTD負回報，最低點是 -18%，現時去番 -5%都有番D安慰，以往自己的持股多次嘗試過回調30%以上，但大部分情況下都會反彈番，加上有做對沖，實際處理上唔會蝕到幾多。但今次，雖然唔係股災，但科技股回調的力道十分大，加上2月尾時，未清掉一些槓桿，以致虧損加重，今次的帳面對我黎講，損失十分多。
今次跌市，可以更加清楚了解自己，當股市回調，好多聲音會叫你走貨，亦都好多聲音表示，長遠囉輯一定會反彈。對我來講，是一次更加認清自己的機會，知道自己屬於那一類人或者自己投資需要改善的地方。每次下跌，我一直都認為發財機會大於損失，所以覺得應該要把握股市回調的機會，而買跌需要的是勇氣與心理壓力，用自己注碼用作機會成本去投資。
今次唸番有幾點，第一，集中與分散，其實集中與分散，每當回調時承受的幅度都是差不多一樣咁慘，面對市場應該存有敬畏之心，只係集中持股時，股價大跌會承受到快速下跌造成的心理壓力。除非自己係買market ETF，如QQQ，SPY哥D，就先係等於實際大量分散。現階段我暫時都唔會咁做，除非之後個倉位去到一定大的程度。而3月最低點 -18%，其實不是正股下跌的損失，全部是自己因焦憂感，造成自己更多操作錯誤引致的損失，出出入入更易損失更多。如果事後看，嚴格控制，遵守記律的話。自己倉位高位回調一定幅度就走的話，或者半倉，輕倉的話，損失就不影響太多，可以保留更加多的資本，當然呢個係馬後炮唸法。而今次教訓係自己衰貪心太快入場同埋太大注，投資最大的敵人永遠是自己的貪念。
第二，應該隨時保持靈活的投資策略及組合，我不是資本家，沒有足夠多的資本去捱價，咩情況適合長坐，咩情況適合走。我覺得不要被任何一種觀念去綁架了自己的思維，不同市況應該使用不同策略，不要強迫自己是那一派，股市下跌，市場會有好多聲音影響自己的判斷能力，應該忠於自己，好多人都是好言相勸，但強逼自己接受沒有任何好處。
第三，隨了選股外，自己應該更加要學習的是配置和倉位管理，就算買中股，倉位管理能力不濟，也一樣輸大錢。
第四，價值投資的核心永遠不會變，2020年係成長股爆發的一年，好容易錯覺，追逐成長股會更容易賺錢獲利。當然，持抱團股一直升或者總有市場的理由。但核心想法，應該還是低買高賣才能夠賺錢，買得平才是硬道理。
再補充多一點：
第五，股市大跌，自己應該如何認清方向，我自己唸法係應該集中睇番成長囉輯，估值變，囉輯無變，價值遲早會收復，投資者賺錢就係賺收復過程或者成長階段。當世界已產生變化，囉輯已變了，則無謂繼續堅持。
記錄一下2月的持倉及情況，2月份美債息的上升，市場解讀為憂通脹加劇，及科技股估值重估，我的倉位也經歷了過山車的大上及大落，由於本人持倉主要集中係NIO和PLTR上，而這兩隻，也回到了2020年尾的股票價格，對我來說，當然是重傷中。2月YTD最高位去到約48%左右，而家回調去番3%，帳面高位回落超過1球以上，當然一點也不好受，有幾個操作要記錄一下。
我原本想法係一直不減倉，因為持貨期間，我仍可以透過期權操作達到一些現金流作資本補充，對我來說，跌市永遠是機會大於損失，所以跌市應該係加倉機會，於跌市期間增加持股數量，當然這個前題是選股正確，同時對自己的選擇的公司持有很大的信心，以及是否能真正判斷到公司可於競爭環境中生存，每次回調或股災應該是一個好的執倉機會。
以下有幾個 2月內做得唔好的一些錯誤交易及一些想法，提醒及警戒一下自己：
１）因為2月初，見NIO相對高位時，減持了一些NIO換至PLTR，希望可以相對平衡，但事後去睇，呢個係沉沒成本，加左落PLTR後，一樣搭沉船，但也可以講未必完全錯得晒，因為 NIO 回調幅度也相對甚多，如果唔換至PLTR，可能輸得更慘。但其實相對高位，應該適當地增持現金，減少持倉及槓桿，雖然我槓桿唔算多。
２）想法沒有貫徹到底，自己原本一直唔想減貨，但眼見市場大跌，NIO 由高位66.9跌至46左右，其實約30%的回調幅度，NIO過往已嘗試過多次3成回調，但自己覺得市場未回調完成，又唸左一些鬼主意出來，假設原本自己持有6000股NIO，假定係48蚊賣出，如果能在40以下補回，可以變相增加多1200股NIO，希望可以成功套利出黎。但結果當然事與願違，因為根本係下調期間，不能估底的情況，自己不敢貿易隨便出手，結果當然係星期一大升，要局住追番原本既貨，如果唔追的話，就真正損失了原本的持倉，所以這次追回，甚至乎交更多的追買差價成本，所以自問身手不快，還是乖乖坐著就好，這個操作結論是大錯特錯。
補充：由於自己原本唸法，係打算38蚊補回NIO，做到成功套利，雖然最終係事如願違，但自己當時唸法係希望兩手準備，不完全看淡也不完全看好，清掉了一部分既貨，唔完全清晒。但以免怕隨時大升，賣飛後大升仲慘過輸錢，變成真蝕。所以自己也係38蚊開了幾十張SP+LC，避免完全睇錯，所以星期一大升，可以平掉了那些SP+LC，再追買回NIO的倉位時，也不達致於俾太多追買成本係度，但因為只做了NIO，忘記做PLTR，所以PLTR追買，也是蝕掉了一些差價成本係度，當中金額也不少。
３）第二點提到，自己原本一直唔想減貨，是因為期權收入，獲得的資本補充不少，近這半年的期權收入，平均每月已有6位權金收入，足夠生活有餘。所以一直唔想賣貨或減倉，但以往NIO 回調3成的時候，可能只是幾十萬，而家回調3成，接近成百萬，心理壓力已增加了很多，有時真係會令到自己訓得唔好。所以今年希望講到做到，會加番更高比例的現金，有cash就心安，槓桿是心魔，即使過億身家既人，只要長期高槓桿，都有機會輸掉身家。
４）關於持股集中及信仰的問題，持股集中， 其實成敗關鍵也落在選股上，如果講得恐佈一點，過度集中隨時一夜破產都唔出奇。適當時候也應該要將自己抽離出黎，再用旁觀者角度去看待。但我自己心態係，自己也不是將全副身家放落股票身上，現時也有大量基金及機構持有NIO及PLTR，股票也只是全部財富的一部分，關鍵是要考慮自己的可承受程度，扑暈自己真心困難。但人生從來也不易，有時事情要堅持才能知結果。集中持股要搞清自己是否麻木信仰， 還是看清長期囉輯？
補充：再減左一些NIO，換至PLTR，等倉位較為平衡
今日記錄下自己的想法，係年初一直不斷地儲及加倉pltr，因為一直覺得pltr係長線投資囉輯，因應客戶週期長，而且pltr既業務範圍廣，對象適用於多種類型公司，國防，金融，能源，互聯網，而且佢套軟件，已經好多大機構使用 ，另外亦與政府有長期合作關係，管理層也不是等閒之輩。
所以天花板上限，我自己認為可以很高，而且iv又高，premium不少，齋做short call已經超過返工收入好多。
但現實歸現實，一路儲上去，pltr已儲超過1球以上既貨，但眼見業績不差，市場一下子沽落黎，加埋解禁期，沽到個人信心無晒。
大跌當日，真係跌到無晒信心，唸過斬貨，但為左避免自己睇錯，再開番LC做保險，咁樣做起碼唔駛輸獲甘。不過自己最後唸左一下，都係算數，捱下價靠sc補下血，按以往自己習慣做sc+lp就算。做完對沖後，知道自己肯定太遲做，可能又係水尾先做，太遲做對沖，琴日做完對沖，今日就反彈番晒上去，唯一慶幸自己無減倉，再係pre-market追加多1注，同佢死過，慶幸升番，增加番少少資本。
不過今次經驗，亦再次提醒自己要加強倉位管理，集中選股其實不是問題，集中更加易方便管理，專心望實隻股就是，唔需要理會太多雜訊，而關鍵還是倉位過大，現金太少，容易拖跨整個倉位。隨著資本增大，今年自己長倉，打算可能增加到3隻就算，資本繼續增加的話，還是增加較高比例的現金較好。
補充：買了第一注raas觀察。
持倉組合比例:
雖然 1月份仲未完結，但現時組合去到新高，想提早記錄一下自己的操作及想法。
主力倉位仍然是nio，繼續透過short call增加新的資本，再買入其他貨。
而1月起開始不斷買pltr，pltr亦剛剛於22/01突然爆升，收市升左25％。但其實係1月這段期間，一直儲pltr的時候，信心一直被考驗緊，自己一直看好pltr是基於公司囉輯層面。但是在22/01爆升前，pltr一直都係唔郁的，周時跌至25蚊左右，但亦同時留意到25蚊有支持。
而市場上，亦見到好多其他公司都係度爆升緊，如frsx，eh，futu及niu等。而futu及niu其實自己都一直有跟開，但決定左儲pltr，就真係儲唔到咁多其他貨。
對於自己風格來說，如果每隻分散買得唔多，仲有機會分散利潤，我自己反而想集中精力，睇準目標出擊仲好，不斷趁公司未爆升前一直收集儲貨，再等風起了。雖然唔一定岩，但有時總要俾d耐性自己，去驗證一下自己的唸法是否正確。
所以這段時間，有少少係糾結於，如果睇好pltr，但是否應放棄市場搭順風車的機會，只埋頭苦幹地儲pltr，這個又是機會成本的問題，終於係19/01，我想嘗試先賣出pltr，再係市場走一轉順風車，之後再buy back pltr，希望咁樣可以儲得更多pltr。以純做trading角度出發，不是按照公司囉輯，只是按照市場囉輯去做，唔岩就走人。
所以係19/01賣晒pltr，再以13.5買晒sunw，其實買之前都觀察左sunw少少時間，計埋22/01，今年sunw年初至今已升347％，真心勁，買的時候已有少少山頂感覺。不過呢個真係真心好彩，但自己知呢個係短炒，唔係長倉，要識隨時走人，但估唔到係22/01，pltr開始升緊3％的時候，有考慮是否換回pltr，始終接近demo day，因為sunw幫我增加了不少升幅，可以buy back more on pltr。但自己覺得sunw仲未升夠，所以升至3％左右即時補回晒pltr，估不到單日升25％，而家暫時pltr同sunw都同時都hold住，所以而家會唸咩時間離場。
另外，都講一講而家好hit既spac，市場上都有好多好公司，但自己比較關注chamath既ipo系列，BFT，同埋cciv既lucid motor，而雖然市場成日講lucid motor係特斯拉殺手，但應該差好多皮。而買spac，我自己唸左一下，覺得spac好多都未必真係揾到，好似一直等運到咁，掉番轉講，如果買spac買得多，但無下文的話，又好似浪費機會成本，所以我而家偏向以期權去操作就算，可以SP，或者遠期LC去減低資本注碼去操作，所以自己用期權買左BFT既LC，希望一切順利。
組合現時分別有nio, pltr, sunw和bft lc共4隻。市場很瘋狂，1月都未完結，組合已達到新高，YTD去到42.44% ，從來無唸過咁瘋狂，希望唔會有反高潮，同時希望自己可以保持到組合繼續增長。
2021年度的股票投資，除了繼續持有NIO外，目標希望到年尾，可以多買入 1至2間公司的股票，視為長倉投資，希望持倉量可以與NIO接近。
由1月起，已開始不斷地購買 PLTR，但今次只買正股，不買call option了，且看 Palantir 2021/01/26 的 Demo Day 將會有甚麼搞作。
除了投資外，這裡也會記錄其他內容，今日記錄關於脾胃的內容、文字來自於田原香網站及一些網絡內容，本人再作整理。
中醫之脾，就像是養育了萬物的土地，一片貧瘠的土地上的生命肯定缺乏生機，一個脾虛的人自然也是病弱的、早衰的。中醫所以賦予“脾”為後天之本。
創制了“補中益氣丸”的名醫李東恒，早在金元時期就寫出了中醫經典 《脾胃論》。這本書籍都在強調“脾氣一虛，百病叢生”。
脾主肌肉，病色為黃，肌肉的無力和膚色的萎黃，都是脾虛之相。這種無力可以延展到各種器官，因此，疲勞、虛胖或瘦削、便秘或便溏，甚至包括心腦的供血不足，慢性疾病，歸根結底都是脾在各個腑臟行使功能的無力，不足所致。
以下為書籍《脾胃論》的內容，可到以下查閱：
https://ctext.org/wiki.pl?if=gb&chapter=193010
正所謂「胃腸好，人不老。」，很多時生活習慣及飲食文化，導致現時現代人普偏都有亞健康問題，例如吃好多營養補健品或飲食清淡，但身體也仍然容易生病，很多時可能來自於脾胃生病。
● 人體氣血發電機
首先，要先知道「人是氣血養成的」這個觀念。脾和胃在生理上相互聯繫，在中醫也是互為表裡，同為身體的「氣血生化之源」，可以說是人體的發電機。食物經過「胃」的消化吸收，成為用以生化氣血的「水穀精微（營養）」，再透過「脾」來運轉輸布至身體需要的地方，相輔相成就像一對好兄弟，所以「養胃」跟「健脾」是密不可分的，要養出好胃一定也要顧好脾。
金朝著名醫家李東桓曾在著作《脾胃論》中提出：「百病皆由脾胃衰而生也。」如果脾胃運化失常，就好比馬達無法運轉發電，氣血生化不足就會影響其他五臟六腑，間接造成許多病症，除了消化系統的疾病外，疼痛、哮喘、失眠、月經失調、焦慮等常見疾病都與脾胃有關。而「健脾胃」也有幫助其他藥材吸收的作用，若脾胃無法正常的運作，使用再好的藥也是徒然，所以中醫師一般開藥方也會搭配健脾胃的藥材喔！
●「腎精」的先鋒部隊
中醫說「腎藏精」，腎就像貯藏精氣的銀行，儲存其中的腎精是生命之根本，人體如果是一顆樹，那腎精就是它的樹根，主宰人體生殖功能、生長發育等，可以分為腎與生俱來的「先天之精」和脾胃轉化食物的「後天之精」。
透過食物營養，也能轉換為「腎精」，關係圖如下：
中醫認為「腎為先天之本，脾胃為後天之本」。腎的「先天之精」是出生時就決定好的固定資產，只能提領，無法存入，一旦過度損耗導致腎精不足，就會未老先衰，更可能提早進入更年期，不可不慎！
不過別擔心，脾胃從食物化生而來的「後天之精」可以透過後天努力（飲食、運動等）來增加存款的量。除非脾胃虛弱，導致氣血無法正常生化供應，才會動用到「先天之精」來維持身體所需的能量。所以只要脾胃養得好，就不會造成必須取用「先天之精」而提早老化的情況。
所以中醫認為不論何時，「健脾胃」都是保健的基礎，只要將身體的脾胃底子打好，營養都充分的消化輸送到需要的地方，受到氣血滋養的身體就像罩上一層防護罩，各方面抵抗力都會比較好，自然就不怕小毛病來搗蛋囉！
● 飲食四原則，脾胃變強壯
脾胃受到損害，營養進不去，廢棄物也出不來，就會落下身體的病根。就好比輸送帶卡住不動，貨物卻一直進來，時間久了，再好的營養都會發臭變成垃圾。要討好脾胃，「建立良好的飲食習慣」是健脾胃的第一步，從現在起，抓住脾胃的飲食四原則，一起養出健康好脾胃吧！
原則一：「咀嚼」才是幫助消化的關鍵
脾胃喜歡容易消化的食物，食物進入口腔後，經過「咀嚼」這道程序，會將「食物來了」的訊息傳遞至腦部，大腦就會通知胃部：「該分泌胃液囉！」以減輕腸胃的負擔。所以「咀嚼」才是消化的關鍵！胃不好的人反而更要注重「咀嚼」，建議進食的速度要緩慢，咀嚼至少20～30次才能讓唾液充分分解食物，國外也有研究證實，只要「咀嚼」做得充足，健康狀況也會明顯比同年齡的人好唷！
原則二：「清淡」飲食戒菸酒，不當藥罐子
脾胃喜歡清淡的食物，常吃重口味的刺激性食物會對脾胃及食道造成傷害，不但破壞胃黏膜抵抗胃酸的能力，還會刺激胃酸大量分泌，造成「嘔酸水」、「火燒心」、「胃痛」等不舒服的症狀，更嚴重還可能造成「胃潰瘍」、「胃穿孔」、「胃食道逆流」等病症。
原則三：選擇溫度合宜的食物
俗話說：「十個胃病九個寒。」脾胃喜歡溫暖平和的食物，討厭寒涼或太過燥熱的食物，所以即使夏天再熱，也不該狂喝冷飲、狂吃冰品，要少吃生冷的食物（例如生魚片），冬天也要避免吃過於辛辣燥熱的食物，以免影響刺激到脾胃的運作。
此處的「寒涼」除了指食物的冷熱之外，也包含中醫上食物的「屬性」，建議可以多吃些脾胃喜歡的平性或溫性的食物，寒性、涼性的食物則要避免。
原則四：飲食要定時定量
現代人相較於過去「民以食為天」的飲食習慣，吃飯不再是生活中最重要的事。若是吃飯常搭配著課業、工作、3C等外務，甚至有一餐沒一餐的，脾胃就會跟你鬧脾氣，讓你消化不良、脹氣、胃痛等。胃其實是一個非常注重規律的器官，不能讓它一下餓、一下飽，否則就容易錯亂導致內分泌失調，所以說爸媽常叫小孩要「專心吃飯」不是沒有道理的。建議脾胃不好的人可以少量多餐，定時定量，為脾胃打造一個規律的生理時鐘。
中醫經絡中，早上７點至１１點是走脾胃經，這時候吃一頓温熱早餐最有利將營養輸送到五臟六腑，讓人一整天都充滿活力與朝氣。
● 健好脾胃，中醫有招
● 討好脾胃，多補充「黃色」好食物吧！
中醫認為黃色食物在五行中與脾一樣屬土，能入脾胃，調節新陳代謝，保護脾胃健康，維持脾胃的功能。而食物中自然的甘味，也有益脾健胃之功效。像南瓜、地瓜、胡蘿蔔等都是脾胃的好朋友。
➲ 南瓜：補中益氣，可以健脾胃、幫助消化。豐富的果膠成分，能保護胃腸黏膜，減少胃炎、胃潰瘍等發生的機會。
➲ 地瓜：暖胃健脾、補中氣。豐富的纖維質可以幫助腸胃蠕動，整腸通便，等於是在幫身體清理、代謝、排毒。
➲ 胡蘿蔔：補中下氣，可以健脾消食、潤腸胃。豐富的維生素A有改善胃酸分泌過多，保護胃腸黏膜的功能。
● 運動好心情，脾胃喜孜孜
俗話說：「憂思傷脾。」中醫認為在思慮過度的情況下，容易影響身體正常的生理活動，導致氣滯和氣結，影響脾的運作。西醫方面也認為，消化不良的原因多半和平常生活的壓力及運動不足有關。所以不管是中醫還是西醫都會建議有消化不良、胃脹氣困擾的患者要找到舒壓管道，時時保持好心情。
2020年，今年包括工作，生活及投資，都係十分值得記錄的一年。
工作
其實自2019年開始，工作量已越來越多，工作時間，經常由早上開始至晚上九點才能收工，十分吃力，食不定時，更有數次工作至晚上12點才能收工，身體都怕遲早會壞透。慶幸由4月開始，經上級批准，正式可以辭掉了職務主管的工作，而家只有臨時需要，我才代任職務主管工作，已經算十分好，當中好彩有好同意肯捱義氣，肯接替我的職位，所以4月開始，可以花更加時間研究投資及做運動。
生活
由4月開始，正式辭掉工作職務主管職位後，可以花更加多時間係家庭及運動，家庭方面，由於小朋友日漸長大，需要花更加多時間係照顧及教育小朋友，2020年女兒開始讀托兒所，雖然食飯仲係咁差，但希望慢慢可以改善，哥哥已是K2了，除了返幼稚園外，另外幫他報讀了英語phonics及踢足球，踢足球希望有助強身健體，phonics上了一段時間後，發覺進步很大。希望2021年，小朋友健健康康，哥哥的氣管及鼻敏感可以得到改善，太太及家人希望繼續健健康康。
而自己方面，2020年運動量比以往少了很多，今年完全無打個籃球及健身，希望2021年可以重回一些球隊練習，而且由於美股經常夜訓，更加應要注重身體。應係休息時間，飲食及運動更加養成好習慣，休息盡可能控制時間，飲食而家已習慣了一餐全素（午餐或晚餐），減少身體負擔，運動則希望重回規律訓練。始終投資係長期性，巴佬及芒格佢地成8，90幾歲，只要身體健康，呢個遊戲就可以長期玩，真正享受時間的複利。
投資
物業投資
先講物業投資，今年年尾賣出了收租樓，這個物業由2013年尾買，持有接近7年，買入價為353萬，賣出為490萬，一買入已即時出租，全部租金收入，7年總收約58萬租金，扣除當初買入成本雜費約25萬左右，淨回報170萬（這只是概括數，因為沒有計算銀行利息支出），收租樓7年回報接近50％，算係咁。
但如果只計算當初投入118萬計，其餘借銀行，實際回報概括約為144％，以物業投資來講，算比上不足，比下有餘。
而今次賣出原因，主要考慮有關住宅物業升幅已有限，而且樓齡不少，租客也即將退租。趁仍有價，賣出就算了。賣出後自己覺得完全無必要將有關資本放入股市上，因為本身股票資本已不少了，唔想再不斷加，寧願d錢放係外面，有好機會先投入市場。另外，雖然我覺得未來物業價格其實唔會點升，甚至有機會跌，但無限QE下，唔買野也無可能，唯有點都要揾d野買，就算物業資產唔升都局住要買，所以取向也是再換物業。
但再買住宅的話，需要交的稅不少，因為本身仍有其他住宅物業，所以暫不考慮住宅物業了，至於其他大灣區、海外物業之類，本身完全無打算考慮，疫情外出已經好麻煩，所以更加唔想煩。
雖然住宅剛性需求係最大，但稅的成本太高了，係澳門本地再考慮物業的話，自己都想試下買其他商業物業類型，不考慮住宅的話，會係小型鋪位，寫字樓或工廈中選擇，而最終是買了一個寫字樓物業，但原本最初係打算考慮工廈為主。但因不想再加大物業投資額，而係租金上，寫字樓租金回報率較高，而現階段只是希望打算放租。但如果之後寫字樓擺半年都無人租，唯有唸下揾朋友合作經營，唸下有乜搞作。其實自己都想懶，親力親為自問短期無時間經營，一日得24小時，心目中有唸過幾個較常理，以及一些較另類的唸法，但我唸最終都係考慮經營教學中心、網上生意、或跳舞室出租之類。
其實以往我心目中，一直希望透過不同物業組合，可以建構自己的收入系統，我曾經唸過超過十多個的business model去經營，但自從2至3年前，開了電腦公司後，已大大減低了我對做生意的期望，經營一間公司或生意是一件艱辛的事情，力不到不為財，今年亦正式註銷了電腦公司。
所以心態上，覺得做好投資，好好生活就足夠，人生苦短數十載，匆匆一世似煙雲。不應為錢去忘記人生本質，應好好享受生活。
股票投資
其實今年係我重新再投資股票的第三年，由2018年年頭重新開始，因為自2008年金融海嘯後，已沒有再買股票，因為輸了一半資本就已離場。今年回報由大跌變到跑贏市場好多，實在意想不到，3月大跌後全斬倉，買晒spy同qqq維持一段時間，睇左好多投資人書籍，blogger的玩法，比較認同曹仁超的趨勢投資，以及睇到tim兄的神操作，開始慢慢以趨勢投資或動力去操作，年頭由QQQ及 SPY，2013，981，6060，好幾隻股票升幅的利潤，增加了好多彈藥，再慢慢增加入nio及tsla，到而家只有nio一隻，慢慢建立了現時自己的投資風格。
選股囉輯我主要集中看公司是否有創新技術，成長速度及市場需要，護城牆食老本反而我不太偏重，當然加埋風口就無敵，而自己現時投資方向，大概可以講係持有成長股＋期權現金流。而我所表述的期權現金流並非如pan sir書中的方法及策略，我的立場是現金流是為了增加購買力和日常生活上使用，例如物業按揭還款及每月捐款，所以我更偏向做short call多於short put去操作。而持有nio及tsla這段時間，經歷過好幾次爆margin奶野（因當時是有槓桿的，現時就算做槓桿，最盡也不會超過1.1），單日大跌30萬至幾日跌70萬不等，而家心態上慢慢轉變，加強了持有心態。
2020回報
睇番3月份時由輸到-35％，到2020年結為339.32%，總倉位由6位數變至而家7位數，而每月的期權現金流，由於開始時輸多贏少，慢慢不斷記錄及檢討，自己慢慢地建立了一個自己的期權交易囉輯（雖然也經常有犯錯，但會記下自己的錯誤操作），由4月起每月由5位數到最新12月達致6位數收入，希望之後能繼續保持，今年投資真的十分感恩。我不期望自己要很快達到更高的目標，但希望能在這10年內可以達到財務自由的能力，唔駛在係老鼠圈賽跑，可以做一些更加對社會或對自己更有意義的事情，和好好享受生活。
2020年是世界悲傷的一年，我希望疫情問題盡快得到解決，世界回復以往的生活，而2020已完結，2021已到來，祝大家新一年開心快樂，平安健康。
上月尾，中國即將進行五中全會，而同時美國亦正準備進行大選，考慮倉位是否需要作出變動或減持，檢視自己手上的組合，主要仍是TSLA+NIO為主，而 PLTR由於倉位較細，因此也沒有變動的意欲。
由於自己的倉位上落變化不大，想嘗試突破，考慮到這段期間 TSLA的動力減弱，嘗試調整一下，方向也是沽弱股，買強股，這個動作其實好大機會估錯邊，不過自己唸住都試一下。因為睇消息見到 NIO單月量產可以達5000台，意味著以後每月交付量有機會達到 5000以上，而 10月份交付量亦即將11初公佈，嘗試賭一把，於10月28日全數沽出 TSLA，全倉買入NIO。
而這個動作，其實全倉一隻，自己都覺得有一定危險性的，但睇到港股 1211 好似火箭咁升，應該 NIO都會同時受惠吧，因此再做多個 Short Call 平衡一下 NIO 的倉位。
而11月初，國務院辦公廳公佈新能源汽車產業發展規劃（2021－2035年），明確表明了電動車為確實的國家政策，國內三大新造車的股價也快速向上，十分幸運和感恩，我這個倉位調整完全直接受惠，YTD也直接推高至新高220%。
而 NIO 將於11月17日公佈 Q3，我相信股價現時已 price in，市場也過度興奮。因此，我暫時選擇清倉 NIO，係即使長線看好電動車版塊及看好 NIO 的囉輯上，也不代表會完全死 hold不放，保持靈活變通先係最重要。
持倉組合比例:
持倉組合比例:
